عمر آلشقآ~

دمعة شقا و احلام ماتت و انـا حيّ




ضيق و متاهة عمر و جروح و احزان




مشكور ياللي تجمع الظـل و الضـيّ




في خاطري و تزيل لوعـه و حرمـان




يشرق دفاك و ينطوي خافقـي طـيّ




على كلامك كنـك تعيـد الازمـان




شفني عطيتك شيّ مـا يشبهـه شيّ




ما صار مثله عند غيـرك و لا كـان




صحيح نجهل بس جيتـك و انـا زيّ




من يحبس اسباب السهر خلف الاجفان




اضيق و ابكي و اشرب النور و الفـيّ




و اقوم و اضحك و اخفي الدمع لو بان




لا عاد تهدي لي و ان اهديت لك عـيّ




او حاول انك تهدي القلـب نسيـان




تعبت اسافر يا اخضر الغصـن للمـيّ




و تعبت اصب الميّ في خضر الاغصان




ان جيت و الا رحت يا قلب هي هـي




مافيـه لا راحـه و لا فيـه سلـوان




تكفى انتظرني بس و اسمعنـي شـويّ




و اجلس و لك عندي من الهرج ما زان




ان كنت او ما كنت ما تفـرق بشـيّ




يكفيني انك كنت باحساسك انسـان




جيتك و انا ميـت و خليتنـي حـيّ




وشلون تبغانـي اخليـك يـا فـلان